某個周末：
英記菜檔邦哥：「今晚煲咩湯呀？」
我：「我地想煲蓮藕湯，蓮藕靚唔靚？」
(當時還是穿短袖衫的季節)
英記菜檔邦哥：「呢D天氣飲蓮藕湯？好燥喎！粟米鬚啦.... 」
我心想：噓，你一定又是因為那天的蓮藕唔靚，故意找藉口轉移視線，又不方便在檔口說出真相。
我：「哦，係咩？好啦咁...」
邦哥，經過我 Google 過、亦「維基」過，我終於揭開了蓮藕「燥底」的疑團！
話說蓮藕秋冬最為時令，所以天冷可以多喝蓮藕湯，有益。古時更稱蓮藕為食療養生聖品。
說蓮藕燥熱，從中醫觀點來看，原來生藕、熟藕各具有不同的功效：
生藕性味甘寒，可清熱生津、涼血止血、散瘀，適用於口乾舌燥及火氣大的人；
蓮藕煮熟後，性由寒轉溫，有健脾養胃、補氣養血、止瀉的效果，適合胃腸虛弱、消化不良的人食用。
一煲蓮藕湯，想一家大小都喝得安心，答案就在「綠豆」。
綠豆在此湯水的角色，猶如沙漠中的一道清泉，用以平衡溫火，綠豆不需多，隨便拿一把便能達到此功效，家姐媽咪喝都不會過涼啊！
材料：
鮑魚骨 1整件
蓮藕 1.5-2 節
花生 3湯匙
眉豆 2湯匙
綠豆 半湯匙
水 2/5煲 (約28吋的湯煲)
調味：
鹽 約1/3茶匙
做法：
1. 花生、眉豆及綠豆先用熱水泡浸至少半小時。
2. 將鮑魚骨洗淨，飛水，待用。
3. 將水注入湯煲，冷水時加入鮑魚骨，開大火至水滾，加入花生、眉豆及綠豆，煲20分鐘。
4. 轉最小火，再煲1-1.5小時。
5. 見湯變濃即可加鹽，再略煲5分鐘即可趁熱飲用。
TIPS:- 鮑魚骨是豬隻的面珠位置，肉嫩油份平均，煲出來的湯很甜，肉亦非常嫩滑，大人小朋友都可以吃，不會浪費。- 愛吃較粉的蓮藕，可揀肥而短的；而長而瘦的則是較爽口的。
(C) 版權所有，違者必究。如需引用，請註明出處。
