[開胃食譜] 西檸單骨雞翼: 大人細路都鍾意！

五 ‧ 一 勞動節：是日不宜勞動！

街市、超市一律無去，為解決晚餐，一於在家中的雪櫃「搵食」！(相信好多師奶都識，靈感未必來自肥媽的節目《搵食》，哈)

雞翼的確是儲糧必備的好食材，而雞翼都有好多做法，

我們常做的有：南瓜雞翼、蒜蓉牛油雞翼、瑞士雞翼，

今天決定將雞翼變成一個開胃食譜 ── 西檸雞翼，登場！

為了令雞翼更快熟透，我決定將雞翼一開二，

單骨雞翼入口一啜即時起骨，o岩晒我o地這兩個超級雞翼粉絲！

西檸單骨雞翼

份量：4人份
製作時間：20min

材料：

巴西雞翼 1磅 (約15隻)
檸檬 1個

醃料：

鹽 1茶匙
雞粉 半茶匙
糖 半茶匙
胡椒粉 適量
生粉 1茶匙

檸汁：

檸檬 1 個
水1-2湯匙
糖 3茶匙
鹽 少許
吉士粉 1茶匙
粟粉 半茶匙

做法：

1. 將雞翼解凍、洗淨、一開二，加入醃料備用。
2. 雞翼放入燒紅了的平底鑊，兩面煎熟直至沒有血水流出 (不用放太多油，因為雞翼本身會出油) 。撈起備用。
3. 切開檸檬榨汁，留兩片作裝飾用。將做檸汁的材料拌勻，放入鑊煮至滾起變得稠身，將雞翼回鑊，略炒即可撈起，趁熱享用。


(c) 版權所有，如需引用，請註明出處。